അങ്ങിനെ ഒരുപാട് ആലോചിച്ച് എടുത്ത തീരുമാനമാണ് ഒരു മുത്ത് വാങ്ങികൊടുക്കാം മുത്തിന് വലിയ അര്ത്ഥമുണ്ടല്ലോ കാരണം അത് മുക്കുവന്മാര് കടലില് ശ്വാസം കിട്ടാതെ ബുദ്ധിമുട്ടി മുങ്ങി തപ്പി കണ്ടെടുക്കുന്നതാനല്ലോ. എനിക്കുമവള്, ഒരു മുത്ത് പോല തന്നെയാണ് എത്രയോ പെണ്കുട്ടികളെ ഞാന് കണ്ടിട്ടുണ്ട് അതില് നിന്നെല്ലാം എനിക്കിഷ്ടപെട്ട ഒരുവള് ഒരുവള് മാത്രം.
അങ്ങിനെ ഒരുപാട് ബുദ്ധിമുട്ടി ഒരപൂര്വമായൊരു മുത്ത് ഞാന് സംഘടിപിചു അവള്ക്കു സമ്മാനിച്ചു. അവള് അത് തുറന്നു നോക്കി ചിരിച്ചു കൊണ്ട് " ഹായ് നല്ല ഒറിജിനല് മുത്ത് പോലെയുണ്ട് ഇത് ഞാനിന്നലെ ചൈന മാര്ക്കറ്റില് പോയപ്പോള് കണ്ടിരുന്നു ചൈനയുടെതാനെങ്കിലും സംഗതി കൊള്ളാം ..."
ഏതോ കാമുകന് പണ്ട് ഹൃദയം പറിച്ചു കൊടുത്തപ്പോള് അത് ചെമ്പരത്തി പൂവല്ലേന്നു ചോദിച്ച കാമുകിമാര് ജീവിച്ചു മരിച്ച നാടല്ലെ നമ്മുടെത്.